Sâyesi düşmez yere bir böyle nahl-i Tûr'sun<br />Mihr-i âlem-gîrsin baştan ayağa nûrsun<br />Târik-ı gülzâr-ı âlem mâlik-i mülk-i adem<br />Münkirine mahz-ı mâtem mü'minîne sûrsun<br />Sensin ol şâh kim Süleymanlar kapında mûrdur<br />On sekiz bin âleme hükmetmeye me'mûrsun<br />El benim dâmen senin ey rahmeten li'l-âlemîn<br />Şöhretim isyân benim sen afv ile meşhûrsun<br />Pâdişâh-ı evvelin ü kıblegâh-ı âhirin<br />Evvel ü âhir imâmü'l-enbiyâ mezkûrsun<br />Yâ Resûlallah umarım diyesin rûz-i cezâ<br />Gerçi cürmüm çoktur ammâ, Itrî'ya mağfûrsun!.