<p>añkhoñ meñ rahā dil meñ utar kar nahīñ dekhā</p>
<p>kashtī ke musāfir ne samundar nahīñ dekhā</p>
<p>be-vaqt agar jā.ūñgā sab chauñk paḌeñge</p>
<p>ik umr huī din meñ kabhī ghar nahīñ dekhā</p>
<p>jis din se chalā huuñ mirī manzil pe nazar hai</p>
<p>āñkhoñ ne kabhī miil kā patthar nahīñ dekhā</p>
<p>ye phuul mujhe koī virāsat meñ mile haiñ</p>
<p>tum ne mirā kāñToñ bharā bistar nahīñ dekhā</p>
<p>patthar mujhe kahtā hai mirā chāhne vaalā</p>
<p>maiñ mom huuñ us ne mujhe chhū kar nahīñ dekhā</p>
<p><br></p>
