ETAk 1997ko Uztailaren 10ean bahitu zuen  Miguel Angel Blanco, PP-ren  Ermuko zinegotzia. EGIN irratira egindako telefono deiaren bidez jakin erazi zuen Espainiako Estatuko  Gobernuari 48 orduko epean ematen ziola, presoak Euskal Herrira hurbiltzeko. Ekarri ezean, bahitua hil egingo zuten.  Jose Maria Aznarren gobernuak ez zion jaramonik egin ETAren exijentziari eta erakunde armatuak mehatxua bete zuen, 29 urteko gazteari  buruan bi tiro eginez. Hil urren topatu zuten Lasarten Miguel Angel Blanco eta 97ko Uztailaren 13an eman zuen azken arnasa. Tentsioz betetako 48 ordu izan ziren orain hogeita bost urtekoak. Euskal politikagintza ez ezik, Euskal Herriko eta Estatuko gizartea astindu zuen gertaera hark. Urtzi Gartziak gertakarien kronologia egin du Gogoan, memoria historikoari eskainitako  podcastean.