<p>Bhuel a chairde Gael, cén chaoi a bhfuil cúrsaí libh na laethanta seo? San eagrán úrnua seo, bhí ríméad ar Chian s&#39;againn fearadh na fáilte a chur roimh an laoch suáilceach í féin, Laura Pakenham. </p> <p>Le linn an agallaimh seo, tugann Laura léargas dúinn ar an méid atá idir láimhe aici mar intéirneach le TG4 Foghlaim agus an sproic s&#39;acu chun tacaíocht is áiseanna foghlama do mhúinteoirí, scoláirí is foghlaimeoirí a chur ar fáil ar líne. Labhraímid faoi na tograí nua atá aici féin fosta, chun pobal d&#39;fhoghlaimeoirí na teanga a bhunú ar na meáin shóisialta. </p> <p>Mar mhúinteoir, ní féidir a shéanadh go bhfuil dúil thréan aici sa léann agus í ag iarraidh feasacht teanga a spreagadh, ionas go mbainfidh Gaeilgeoirí úra níos mó tairbhe agus sult as foghlaim na teanga! </p> <p>Chomh maith leis sin, insíonn sí dúinn cén fáth ar bheartaigh sí a scrúdú tiomána a dhéanamh trí Ghaeilge agus a heispéireas spéisiúil ar an gclár iomráiteach <em>Grá ar an Trá </em>anuraidh. </p> <p>Mar is gnách, é seo agus níos mó! </p> <p>Idir an dá linn, leannaigí @laurajpakenham agus @tg4foghlaim ar Instagram/TikTok agus déanaigí cinnte https://foghlaim.tg4.ie/ a sheicéal amach chun níos mó eolais a fháil faoi na hacmhainní uilig atá ar fáil ann. </p> <p>Bígí linn :)</p> <p><br></p> <p><br></p> <p><br></p>