This is the third episode of our program in Nuer, the local language spoken in Unity state, in the area where Block 5A was located and where the alleged crimes were committed. This trial is about justice for the survivors, and we hope this podcast will reach the people affected and shed light on the process and the latest developments in court.

Now in Nuer:

Ci̱o̱kä di̱ɔ̱k: Naath tin nhiam tëë ŋäc min ci̱ tuɔɔk

Nɛmɛ ɛ luk kɛ kui̱c dueri̱ köör Lundin, lääri̱ ti̱ lɔthrɔ̱ ti̱ caa riali̱kä ɛ Pak (PAX)  kɛnɛ Gi̱löbal Aydia (Global Idea) kɛ kui̱c luɔ̱k mi̱ gɔanykɛ cɛrkä liɛth Ithwidɛn min cɔali̱ Lundin.

Kɛ jɛn rɛy ci̱o̱kä nɛmɛ, banɛ jëk kɛ naath tin nhiam tëë ŋäc min ci̱ tuɔɔk tin ci̱ we gua̱a̱th luaak luɔ̱k kä Ithtɔkɔlim kɛ ɣöö baa ŋäcdiɛn we lat kɛ kui̱c kä mëë ci̱ tuɔɔk kam ruɔ̱n 1999 kɛnɛ 2003 kä Bɔlɔk  5A. Bi̱ nɛy ruac kɛ ta̱a̱ in dee luak luɔ̱k naath luäk kɛ jek cuŋä, kɛ  tin caa la̱t ɛ cɛrkä liɛth rɛy köör amäni̱ ta̱a̱ in dee dhɔr Nuäärä mi̱ gɔaa jek ɛn wa̱nɛ kä Ithwidɛn.

Naath tin te thi̱n:

• Pi̱tɔr Ri̱ŋ Patay
• Thomɛth Malual Kap
• Mathi̱w Mathi̱a̱ŋ Dɛ̈ɛ̈ŋ

Ram in Nyuur naath:

Ɣali̱ma Athumäni̱

Luɔtdɛ:

Laat luɔ̱k kɛ kui̱c dui̱äri̱ köör tëë caa la̱t ɛ Lundin nöŋkɛ kɛ yiɛ ɛ Pak (PAX)  kɛnɛ Gi̱löbal Aydia (Global Idea). Dit ɛ pälɔ ɛ di̱t Kaŋ Jɛyjɛy kä caa riali̱kä ɛ Ruuth Bi̱o̱r. Ram in lät nɛmɛ ɛ Kajtha Thörma̱n. Gui̱l unpaiddebt.org kɛ kui̱c kä min lot nɛmɛjɛ kɛnɛ lääri̱ ti̱ ŋuan. Ɛn gua̱a̱th ɛmɔ bi̱i̱ ruaacni̱ ti̱ ŋuan we jek kɛ kui̱c ruac ɛmɛ kä naath tëë caa rik jek kɛnɛ gɔ̱a̱a̱r, bi̱i̱ ri̱ät gɔ̱a̱ri̱ we kuɛn kɛnɛ thurɛ gua̱th ëë tuɔk riɛk thi̱n ɛla gua̱a̱th ëë lät Lundi̱n thi̱n kä bi̱ lääri̱ ti̱ ŋuan we jek kɛ min lot ruac ɛmɛ jɛ.