<p>Petra zo nevez ar miz-mañ gant « Splann ! » ? Un enklask nevez bet embannet hag ur bern neventioù all e Breizh !</p> <p>Enklask ar miz : Saotreet e oa bet an dour da evañ e Rostrenn e-pad 7 vloaz. Adkavit enklask Nicolas Cossic, kazetenner e <em>Splann !</em> amañ.</p> <p>Dastumet evidoc’h</p> <p>Lazhet eo bet gant ar bezhin glas… Ha setu un doéré istorel! Prouet e oa bet ar liamm etre marv Jean-René Auffray hag ar bezhin glas. Setu disoc’h ur c’horfskejadur (une autopsie) a oa bet graet d’ur pemoc’h-gouez kavet marv àr draezenn Saint-Maurice e Morieu (Aodoù an arvor).</p> <p>Tresadennoù a-zehoù: tresourez ar morlu broadel Calvaire Drach he doa treset ivez evit strolladoù an tu dehoù pellañ èl Nemesis, l’Incorrect pe ar strollad metal Aries (a gan pozioù Charles Maurras).</p> <p>Gourdrouzet un atant desevel yer e Plistin: lez-varn velestradurel Roazhon n’oa nullet an aotre astenn abalamour da “gizidigezh al lec’h”.</p> <p>Paour-kaez dour. Ur gwallzarvoud a zo bet ag uzin tretañ dour Kerne Uhel e Larruen. 25 000 litrad dour saotret get PFAS n’eus difoupet… Nec’husoc’h c’hoazh dre ma oa bet serret an uzin arall da zegas dour d’an dud e Rostrenn (da-heul enklask Splann! da lenn amañ)…</p> <p>Rektordi dirag al lez-varn. Gant Div Yezh, ar gevredigezh a vod kerent ar skolioù publik divyezhek, ha gant Kelennomp !, a vod kelennerien war ar brezhoneg, eo bet divizet kaz ar Stad dirak lez-varn velestradurel Roazhon (35).</p> <p>Adkavit ivez rubrikennoù “o c’hoarvez e-taldoc’h” pe “deiziataer Splann”.</p> <footer><p>Kenlabourat a ra gant kazetennerien Radio Breizh hag an holl radioioù e brezhoneg : Radio Kreiz Breizh, Radio Bro Gwened, Arvorig FM, Radio Kerne ha Radio Naoned.</p> <p>Krouet eo bet « Splann ! » e 2021 hag emañ staliet e Gwengamp, e Aodoù-an-Arvor. Ar media kentañ gouestlet d’an enklask e Breizh eo. Labouret e vez e brezhoneg hag e galleg. Skrivet e vez diwar-benn sujedoù pouezus evit an dud evel saotradurioù an endro, al labour-douar, ar yec’hed hag all.</p> <p>📻 Lakit hoc’h anv evit selaou ouzh hon holl podkastoù : <a href="https://splann-pod.kaz.bzh/@enquetesaudiosplann">les lectures de « Splann ! »</a>, <a href="https://splann-pod.kaz.bzh/@splannsurleterrain">les docus de « Splann ! »</a> et <a href="https://splann-pod.kaz.bzh/@splannenstudio">les entretiens de « Splann ! »</a>.</p> <p>💸 « Splann ! » a zo ur media a ya en-dro a-drugarez d’ho harp. Gall a rit reiñ <a href="https://splann.org/br/archantaouin/">arc’hant deomp ur wech an amzer pe un tamm bep miz, el linnen pe dre cheken</a>.</p> <p>✒️ Titouroù da gas deomp ? <a href="https://splann.org/contact/">Kasit deomp ur postel evit gouzout penaos kas dokumantoù d’un doare suraet</a>.</p> <p>👍 Heulit ac’hanomp war ar rouedadoù sokial : <a href="https://mamot.fr/@splann">Mastodon</a>, <a href="https://www.facebook.com/splannenquetes">Facebook</a>, <a href="https://www.linkedin.com/company/splannenquetes/">LinkedIn</a>, <a href="https://www.instagram.com/splannenquetes/">Instagram</a>, <a href="https://bsky.app/profile/splann.bsky.social">Bluesky</a>, <a href="https://www.threads.net/@splannenquetes">Threads</a>, <a href="https://www.twitter.com/Splannenquetes">X</a> et <a href="https://www.youtube.com/@SplannEnquetes">YouTube</a>.</p> <p>📩 <a href="https://splann.org/br/lizher-kelaouin">Lakit hoc’h anv evit degemer hol lizher-kelaouiñ.</a> Titouret e vioc’h pa vez embannet un enklask ha pennadoù nevez. Digoust hag e brezhoneg !</p> </footer>