Zhongdian estas ĉefurbo de Diqing-a Tibeta Aŭtonoma Subprovinco de Yunnan-provinco. Ĝi troviĝas ĉe la limoj de Yunnan, Sichuan kaj Tibeto. Tie estas la kunfluejo de tri larĝaj riveroj. Sur la tereno de 11 613 kvadrataj kilometroj vivas preskaŭ 130 mil homoj de pli ol dek etnaj grupoj – averaĝe 10 homoj sur ĉiu kvadrata kilometro. La lokanoj kun malsamaj religiaj kredoj vivas harmonie kaj estas en bona akordo kun la naturo. Antaŭ pli ol dek jaroj decido de la loka registaro alportis grandan ŝanĝiĝon al la gubernio. De tiam ĝi ĝuas grandan famon kaj ĉiujare altiras multajn vizitantojn. Ĉio ĉi estas ligita kun la romano Perdita Horizonto.