Todos os podcast | Lume na palleira

Acompáñannos Pepa G. Lillo e Gabriel Navalón, o dúo Ethnos Atramo; unha parella de Toledo que fusiona música tradicional antiga con sons electrónicos contemporáneos. Con eles comentamos o seu disco "Antología imaginaria" Quedamos en terras castelás para escoitar a Carrión e a Climent & Ballarín Quinteto. No Recuncho da Palleta rendemos homenaxe a José Fernández Canosa, " o ghaiteiro do Piñeiro". Ademais felicitamos a De Ninghures por recibir o oremio MIN 2026 ao Mellor Disco en Galego. Celebrámolo escoitandoo seu novo tema no que contan coa colaboración de Galician Army

Dous dos integrantes do Comando Curuxás, Pablo Pardo "Pacior" e Pablo Pascual, visítannnos para presentarnos o seu último disco, "Carne de militancia". Lembramos ao recentemenbte falecido Manuel Vázquez, "Rin Rin", tamborileiro de Muxicas e dos Folieiros de Lavadores. Escoitamos o novo de Daniel Pereira Cristo, "Malva globo", e de Unto Vello, "Inmaterial". Ademais: Treixadura, Ethnos Atramo, Brath, Leni Pérez & Sekadra, Icía Varela, Maghúa e Donicelas

Música tradicional fusionada co jazz. Iso é o que nos ofrece o disco "Xa non ten ferriñas", a colaboración de Leni Pérez co dúo Sekadra. Escoitámolo cos comentarios de Leni e os dous membros do dúo, Paulo Silva e Arturo Pérez. No Recuncho da Palleta recibimos aos Erdeiros dos Morenos co traballo "Viva Lavadores". Ademais presentamos as novidades discográficas de Comando Curuxás e Unto Vello.

Treixadura presenta no programa o seu novo disco, "Portalén". Os encargados de facelo son o fundador do grupo, Toniño López, e outros dos integrantesd da banda, Magoia Bodega e Paulo Nogueira. No Recuncho da Palleta falamos das mellores profesoras de gaita galega.

A convidada do programa é Icía Varela, que nos presenta "Mens", o seu primeiro disco, ao que lle puxo o título da súa localidade natal. Lembramos ao recentemente falecido Carlos Celeiro "Morón", fundador de Xorima. Estreamos discos de Treixadura, Comando Curuxás e Leni Pérez con Sekadra. No "Recuncho da palleta" Gustavo Couto introdúcenos no espectáculo de Et Suseis Danza.