<p><u>Lees:</u> 1 Joh 4: 7-21. </p><p><u>Fokus:</u> 1 Joh 4: 18. </p><p><strong>Volmaakte liefde in Christus verdryf vrees. </strong></p><p>· Baie van ons loop permanent rond met ‘n mate van vrees in ons harte sonder dat ons weet waarvoor – ‘n algemene vrees vir alles wat voorlê en kan gebeur. </p><p>· Ons leef dikwels (ook in ons verhouding met God) volgens die wêreldse standaard: Jy ontvang wat jy verdien! Johannes noem dit: “vrees verwag straf.” </p><p>· Mense probeer presteer om die straf van verwerping vry te spring en aanvaar te word. So soek mense hulle selfwaarde in prestasies wat weer lei tot perfeksionisme. </p><p>· Teenoor die wêreldse standaard is God volmaakte liefde en gee aan ons in Christus nie wat ons verdien nie maar wat ons nodig het: onvoorwaardelike liefde en aanvaarding. </p><p>· As jy worstel met vrees vir verwerping en perfeksionisme, is God se boodskap aan jou: Jou soeke na liefde en aanvaarding eindig by Christus se volmaakte liefde aan die kruis. </p><p>· Met ‘n lewe wat oorheers word deur liefde vir God en my naaste, sal ek ervaar hoe vrees vir die toekoms verdwyn. </p><p> </p><p><strong>Vir nadenke en gesprek by selgroepe en huisgodsdiens: </strong></p><p>· Wat dryf jou in die lewe? Watter rol speel vrees vir mislukking en daarmee saam vrees vir verwerping in jou lewe? </p><p>· Waarin vind jy jou selfwaarde? Glo jy dat as jy perfek lewe almal jou sal aanvaar? </p><p>· Wat beteken God se volmaakte liefde in Christus? </p><p>· Hoe verdryf God se volmaakte liefde in Christus vrees vir die toekoms? </p><p> </p>
