<p>今集想同大家分享我最近喺工作上嘅一個震撼體驗：<br/>面對一位因家庭暴力而被限制見仔女嘅爸爸，佢聲淚俱下、話非常後悔。<br/>喺嗰一刻，我竟然都有少少心軟——<br/>令我終於明白點解好多受害者會不斷原諒施暴者。</p><p>同做 DV 專家嘅朋友傾過後，我先真正理解：</p><p>DV 循環（Domestic Violence Cycle）</p><p>施暴 → 道歉/悔意 → 平靜 → 再施暴<br/>而施暴者嘅「悔意」好多時並非真正反省，而係想挽回控制權。<br/>佢哋通常覺得錯嘅係其他人，而唔係自己。</p><p>真正嘅後悔係會：承認錯誤、理解伴侶害怕、停止騷擾、踏實改變。<br/>否則，只係情緒勒索。</p><p><b>Oprah 的故事：創傷點解多年後都影響緊我哋？</b></p><p>Oprah 明明住豪宅，但曾經嚴重 panic attack。<br/>一段校園槍擊新聞，令佢嘅童年恐懼記憶突然浮現——<br/>細個時曾目睹患失智症嘅公公夜晚掐住婆婆嘅頸。</p><p>雖然成年後表面成功，<br/>但大腦仍然活喺「夜晚會被襲擊」嘅模式。</p><p><b>童年創傷唔會因為大個而自動消失。</b></p><p><b>創傷如何影響成年關係？</b></p><p>我同一位媽媽傾過，她細個因嚴厲管教有選擇性緘默症，<br/>長大後：</p><ul><li>好難作決定</li><li>覺得自己唔值得被好好對待</li><li>往往會留喺傷害佢嘅關係入面</li></ul><p>呢啲都係童年創傷嘅後遺症。</p><p><b>永遠唔會太遲：療癒可以而家開始</b></p><p>遊戲治療係讓小朋友建立安全感嘅方式；<br/>而大人，就算童年已經過去，都可以重新學習照顧自己。</p><p>支持廣東話遊戲治療分享，<b>請 Christal 喝咖啡</b>: <br/><a href='https://www.buymeacoffee.com/christallau'>https://www.buymeacoffee.com/christallau</a></p> <p>廣東話遊戲治療分享由 Christal Lau 主持。<br/>Christal 主修心理學，犯罪學碩士，遊戲治療碩士，為自閉症孩子作出早期干預。<br/>這個 podcast 會由 Christal 分享與小朋友治療上的趣事，適合所有家長和對遊戲治療有興趣的朋友收聽。</p> <p>Facebook: <a href='https://www.facebook.com/PlayTherapyInCantonese'>https://www.facebook.com/PlayTherapyInCantonese</a></p> <p>Instagram: <a href='https://instagram.com/playtherapyincantonese?utm_medium=copy_link'>https://instagram.com/playtherapyincantonese</a></p>