EP.9 | 「善意溝通」：以請求代替要求 ft.《讓孩子高飛》余國健

嘉賓：余國健 Jacob（資深家庭教育專家） 「你快啲做功課！」「唔好打機！」「快啲食飯！」——你愈講愈火滾，佢愈做愈慢。唔係佢唔聽，係你嘅語言入面全部係命令，冇俾佢半點選擇。善意溝通系列最後一課，Jacob 直指核心：唔係要你放棄管教，而係將「要求」變成「請求」——減弱權威，賦予選擇，孩子反而更願意合作。 一個功課拖拖拉拉、不停搞文具嘅例子話你知：媽媽話「唔好搞文具」，結果文具收咗，個女開始玩手指——你收得曬咩？反而講「沙漏計 15 分鐘，做完呢份功課就休息」，具體、正面、有時間框，孩子自己揀——一直磨就冇得休，係佢自己嘅決定。 Jacob 更拆解「請求」嘅心法：首先問自己——孩子唔做，邊個困擾？答案通常係父母。既然係滿足你嘅需要，你就要客氣。善意溝通四部曲由觀察、同理、連結到請求，環環相扣；最重要嘅唔係學技巧去控制孩子，而係建立一種平等、尊重嘅關係。當孩子覺得自己被尊重、被明白，佢哋自然更願意合作。 作為善意溝通嘅最終章，今集 Jacob 示範點樣將十句日常命令變成十句請求，以及孩子拒絕後點樣繼續對話而唔係即刻變返命令——呢啲先係長治久安嘅管教。 本集重點 要求 vs 請求：核心差異在於「你有冇俾佢選擇權」 「誰有困擾」心法：孩子唔做，困擾嘅係你，所以你要客氣 因乜「唔好打機」會變成「我睇片」——負面指令的漏洞 具體化實例：由「快啲做功課」到「15 分鐘做完一份就休息」 正面言辭的力量：「唔好周身郁」→「坐直啲保護脊骨」 請求被拒點算：繼續傾問「你覺得點樣先得？」，唔好即刻變返命令 善意溝通四部曲總複習：由建立關係到促成合作 Support the show 🍀 更多關於【簡約生活課】 📧 簡約教養電子報訂閱 |  https://manparenting.org 🤝 合作邀約&寫信給我 ｜[email protected] 🔮 問題許願池 ｜https://pboard.manparenting.org/wishes 🧑‍💻 有任何想法，歡迎到我的粉絲專頁和我互動啊！ ｜https://www.facebook.com/manparenting