<p>Pigion y Dysgwyr – Francesca</p><p>Dych chi’n un o’r rhai sy’n symud eich dwylo wrth siarad?
Mae ymchwil yn dangos mai Eidalwyr sy’n defnyddio y mwya o’r ‘stumiau hyn wrth siarad a rhannu straeon!
Mae teulu Francesca Sciarrillo yn dod o’r Eidal a gofynnodd Alun Thomas iddi oedd hi’n cytuno gyda’r ymchwil... </p><p>(Y)stumiau Gestures</p><p>Ymchwil Research</p><p>Ystrydebol Cliched</p><p>Ymwybodol Aware</p><p>Sylwi To notice</p><p>Hunaniaeth Identity</p><p>Am wn i I suppose</p><p>Mynegi To express</p><p>Lleisiau Voices</p><p>Barn An opinion </p><p> Pigion y Dysgwyr – Llyfrau Hanes</p><p>Bron y gallen ni glywed dwylo Francesca’n symud yn ystod y sgwrs yna on’d ife? Ond dwi’n siŵr mai llonydd iawn basai ei dwylo hi wrth drafod pethau diflas, a llyfrau hanes diflas oedd testun sgwrs Aled Hughes gyda’r hanesydd Dr Mari William fore Iau, ond beth sy’n ddiflas i’r hanesydd tybed?</p><p>Llonydd Still</p><p>Diflas Boring</p><p>Milwrol Military</p><p>Agweddau Aspects</p><p>Yn ddiweddar Recently</p><p>Pori To browse</p><p>Taro To strike</p><p>Cymhleth Complicated</p><p>Rhaid i mi gyfadde(f) I must admit </p><p>Ysgolheictod Scholarship</p><p>Astrus Obscure</p><p>Pigion y Dysgwyr – Beti a Huw</p><p>Dr Mari William oedd honna’n sôn wrth Aled Hughes am ba lyfrau hanes sy’n ddiflas iddi hi.
Nos Lun ar S4C, roedd cyfres newydd i’w weld sef Cysgu o Gwmpas. Beti George a Huw Stephens sydd yn cysgu o gwmpas Cymru mewn gwestai moethus. Yn y rhaglen gynta, roedd y ddau’n ymweld â Pale Hall yn Llandderfel ger y Bala, ac roedd Beti yn cael aros yn yr un ystafell ac y buodd y Frenhines Victoria yn aros ynddi flynyddoedd maith yn ôl! Shan Cothi fuodd yn holi’r ddau.
Moethus Luxurious</p><p>Cyflwynydd Presenter</p><p>Darganfod To discover</p><p>Anhygoel Incredible</p><p>Pigion y Dysgwyr – Gwyl Ban Geltaidd</p><p>Wel dyna fywyd braf gan Beti a Huw, on’d ife, yn cael aros mewn gwestai moethus ac yn cael bwyta bwyd anhygoel!
Sara Davies enillodd cystadleuaeth Cân i Gymru eleni ac mae enillydd y gystadleuaeth honno wastad yn cynrychioli Cymru yn yr Ŵyl Ban-Geltaidd, sy’n cael ei chynnal bob blwyddyn yn Iwerddon. Yn nhref Carlow, yn ne-ddwyrain Iwerddon oedd yr Ŵyl eleni ac enillodd Sara gystadleuaeth y Gân Ryngwladol Orau yn yr Ŵyl gyda'r gân ‘Ti’. Gofynnodd Aled Hughes iddi hi fore Llun sut oedd hi’n teimlo ar ôl iddi hi ennill y gystadleuaeth...
Rhyngwladol International</p><p>Suddo To sink</p><p>Alla i ddychmygu I can imagine</p><p>Profiadau Experiences</p><p>Canlyniad Result</p><p>Pigion y Dysgwyr – Jonathan Rio</p><p>A llongyfarchiadau mawr i Sara am y fuddugoliaeth on’d ife!
Gwestai Beti George oedd Jonathan Roberts sy’n dod o’r Bala yn wreiddiol ac sydd erbyn hyn yn gweithio fel cyfieithydd yn Rio de Janeiro ers bron i 30 mlynedd. Buodd yn byw yn Lerpwl a Llundain cyn teithio i Brasil a syrthio mewn cariad gyda’r ddinas. Dyma fe’n sôn wrth Beti am yr adeg daeth ei dad i aros ato fe yn Rio...</p><p>Buddugoliaeth Win</p><p>Cyfieithydd Translator</p><p>Peryglus Dangerous</p><p>Ffon Stick</p><p>
Pigion y Dysgwyr – RNLI</p><p>Mae’n swnio fel bod tad Jonathan yn ddyn lwcus iawn ond yw e?
Mae’r RNLI yn dathlu dau ganmlwyddiant eleni ac Emma Dungey (ynganu fel Bungee jump) o orsaf Bad Achub Y Bari, fuodd yn sôn wrth Shan Cothi fore Gwener am sut daeth hi ymuno â’r RNLI..</p><p>Dau ganmlwyddiant Bicentenary</p><p>Bad achub Lifeboat</p><p>Ymuno â To join</p><p>Rhiant Parent</p><p>Mewn cysylltiad â In contract with</p><p>Hyfforddiant Training</p>
