StapaSpjallið

Þessi þáttur fjallar um fjármálafræðsluna sem er bæði árleg í 7. - 10. bekk og kennd sem valgrein á unglingastigi í Stapaskóla. Í þættinum ræða nemendur á unglingastigi hvernig þeir hugsa um fjármál og hvernig fjármálafræðslan hefur haft áhrif á viðhorf þeirra og venjur.

Þessi þáttur fjallar um VikuSex í Stapaskóla vorið 2023.

Í þessum þætti ræðir Heiða við Brynju, hinn helminginn af StapaSpjallinu um Stapavöku. Brynja er hugmyndasmiðurinn á bak við Stapavökuna sem er frábært heildstætt verkefni á unglingastigi skólans. Stapavaka var haldin í annað sinn í vetur og var enn betur heppnuð í þetta sinn en síðast.

Árleg fjármálafræðsla hefur fest sig í sessi innan samþættingar í 7. – 10. bekk Stapaskóla. Samfélagsfræðikennarinn okkar hún Ninna Stefánsdóttir heldur utan um verkefnið innan Stapamix hópsins og er viðmælandi minn í dag. Til viðbótar við fjölbreytt fjármálaþema hefur Ninna einnig verið með valgreinina Fjármálalæsi tvisvar sinnum á skólaári í þessi þrjú ár síðan kennsla hófst á unglingastigi. Í þessum þætti ræðir Heiða við Ninnu um fjármálafræðslu, fjármálalæsi og hvaðan hennar áhugi á fjármálum kemur.

Kristín Björk er einn af þremur kennurum sem starfa í þriðja bekk í Stapaskóla. Þar hefur samþætting blómstrað og teymiskennslað náð háum hæðum. Við ætlum að heyra í Kristínu með verkefni sem þau voru að ljúka núna nýlega sem fjallaði um himingeiminn.